प्राथमिक शाळेच्या विद्यार्थ्यांना कृषिदुतांनी दिले मैदानी खेळांचे धडे

फलटण : महात्मा फुले कृषी विद्यापीठ राहुरी अंतर्गत येथील श्रीमंत शिवाजीराजे उद्यान विद्या महाविद्यालयातील कृषिदुतांनी मलवडी ता. फलटण येथे ग्रामीण कार्यानुभव कार्यक्रम अंतर्गत जिल्हा परिषदेच्या प्राथमिक शाळेतील विद्यार्थ्यांना विविध प्रकारचे मैदानी खेळ व स्पर्धांचे प्रात्यक्षिकांसह धडे दिले.

'ग्रामीण कार्यानुभव' या कार्यक्रमांतर्गत कृषिदुत हे ग्रामीण भागात विविध उपक्रम राबवित आहेत. याचाच एक भाग म्हणून धावणे, लंगडी, खो-खो यासह इतर मैदानी खेळाचे महत्त्व व त्याची गरज शालेय विद्यार्थ्यांना पटवून देण्यासाठी प्रात्यक्षिकांद्वारे विविध खेळाचे धडे देऊन ग्रामीण भागाचे आरोग्य, पाणी, आणि खेळ यासह शेती विषयक महत्वपूर्ण माहिती देणारे विविध उपक्रम राबवित आहेत. सदर उपक्रमाला स्थानिक ग्रामस्थ, विद्यार्थी, स्थानिक स्वराज्य संस्थाचे पदाधिकारी उत्स्फूर्त प्रतिसाद देत आहेत.

'ग्रामीण कार्यानुभव' कार्यक्रम यशस्वी करण्यासाठी कृषिदुत गौरव कापसे, दिग्विजय गायकवाड, क्षितीज काकडे, दिग्विजय गोडसे, मयूर जगताप, अर्जुन मांजरे, शुभम कुंभार आदी मेहनत घेत आहेत.