फलटणच्या जयदीपची मुंबई आयआयटीत इंट्री

गिरीधर सायन्स अकॅडमीतील जयदीप अभिनव कदम या विद्यार्थ्याची मॅकेनिकल इंजिनिअरींगसाठी मुंबई येथील आयआयटीमध्ये प्रवेश मिळाला असल्याची माहिती अकॅडमीचे संचालक शिवराज भोईटे यांनी एका प्रसिद्धी पत्रकाद्वारे दिली आहे.

आयआयटीत प्रवेश मिळविणे प्रत्येक विद्यार्थ्याचे स्वप्न असते. अशा प्रतिष्ठीत संस्थेत प्रवेश मिळणे गौरवास्पद असल्याचे मानले जाते. JEE, CET परीक्षेसाठी विद्यार्थी खुप मेहनत घेतात. कष्टप्रद अभ्यासातुन यश मिळते, याला जयदीपची मेहनत अपवाद नसल्याचे प्रसिद्धी पत्रकात नमूद केले आहे. 

गिरीधर सायन्स अकॅडमीतील अनेक विद्यार्थ्यांनी सीओइपी पुणे, पीआयसीटी, व्हिआयटी, व्हिजेटीआय, वालचंद कॉलेज ऑफ इंजिनिअरींग यासारख्या प्रतिष्ठीत अभियांत्रिकी महाविद्यालयात प्रवेश घेतले. चांगल्या गुणांनी ते विद्यार्थी उत्तीर्णही झाले असून यशस्वीतांच्या यादीत आता जयदीपचे नाव आले आहे. शिवराज भोईटे, मयुर भोईटे, वडील अभिनव कदम यांच्या मार्गदर्शनामुळे जयदीपला प्रेरणा मिळाली, यातुन त्यास यश प्राप्त झाले.

जयदीपच्या नेत्रदिपक यशाबदल आयडीयल इंटरनॅशनल स्कूल अँड ज्युनिअर कॉलेजच्या संस्थापक अध्यक्षा डॉ.वैशालीताई शिंदे, मनोहर भोईटे यांनी त्यांचा सत्कार केला. जयदीपच्या यशाबद्दल सर्व स्तरातुन त्याचे अभिनंदन होत आहे.