सुरक्षारक्षक भरतीस बेरोजगारांचा उत्स्फूर्त प्रतिसाद

फलटण : येथील मुधोजी महाविद्यालयामध्ये गेली दोन दिवसांपासुन सुरू असलेल्या सुरक्षारक्षक भरतीला फलटण तालुक्यातील बेरोजगार युवकांनी उत्स्फुर्त प्रतिसाद दिला आहे. या भरती मेळाव्यात अनेक पात्र बेरोजगार युवकांना प्रत्यक्ष भरती झाल्याचे अधिकृत नियुक्ती पत्रं देण्यात आली असुन नोकरीची संधी मिळाली असल्याचे दृश्य चित्र आहे. ३१ जुलै भरती प्रक्रियेचा अखेरचा दिवस असुन तालुक्यातील गरजू इच्छूक उमेदवारांनी या संधीचा लाभ घ्यावा, असे आवाहन शिव स्वराज्य सेक्युरीटी अँड मॅन पॉवर सर्विसेस प्रा.लि. कंपनीच्यावतीने करण्यात आले आहे.

सुक्ष्म लघू मंत्रालय भारत सरकारच्या उपक्रमांतर्गत आणि भारत सरकारच्या पसारा अ‍ॅक्ट २००५ च्या नियमानुसार स्थानिक बेरोजगार युवकांसाठी नोकरी देण्यात येते. आयएसओ मान्यताप्राप्त शिव स्वराज्य सेक्युरीटी अँड मॅन पॉवर सर्विसेस प्रा.लि. आणि फलटण एज्युकेशन सोसायटीचे मुधोजी महाविद्यालय यांच्या संयुक्त विद्यमाने सुरक्षारक्षक भरती प्रक्रियेचे आयोजन करण्यात आले आहे. ही प्रक्रिया मुधोजी महाविद्यालयामध्ये दि. २९ जुलै पासुन सुरू आहे. दि. ३१ जुलै भरतीचा अखेरचा दिवस आहे. सकाळी ८ ते दुपारी १ वाजेपर्यंत भरती सुरू राहणार आहे.

गेली दोन दिवस सुरक्षारक्षक भरती प्रक्रियेस बेरोजगार तरुणांचा उत्तम प्रतिसाद मिळत असुन तालुक्यातील बेरोजगार युवकांनी या संधीचा फायदा घ्यावा, असे सांगत अधिक माहितीसाठी ९५५२२३८०५७ / ९५६९७२१६४० या क्रमांकावर संपर्क साधण्याचे आवाहन भरती अधिकारी चंद्रशेखर सिंग, महेश सरतापे यांनी केले आहे.