सचिन यादव यांना "शरद कृषी उद्योजक" पुरस्कार जाहिर

के.बी. ग्रुप ऑफ कंपनीचे संचालक सचिन बबनराव यादव यांना या वर्षीचा शरद कृषी उद्योजक पुरस्कार जाहिर झाला असुन दि. २ फेब्रुवारी रोजी या पुरस्काराचे वितरण लोणंद येथे आयोजित केलेल्या कृषी महोत्सवात माजी केंद्रीय कृषीमंत्री शरदचंद्र पवार यांचे हस्ते होणार असल्याची माहिती कंपनीचे असिस्टंट जनरल मॅनेजर हेमंत खलाटे-पाटील यांनी दिली. प्रतिवर्षी प्रमाणे याही वर्षी लोणंद येथे होणाऱ्या शरद कृषी महोत्सवात शरद कृषी उद्योजक पुरस्काराने सचिन यादव यांना समारंभपूरक गौरविण्यात येणार आहे. के.बी.एक्सपोर्ट कंपनी स्थापना, के.बी. बायो ऑरगेनिक्स, रेसिड्यू फ्री कृषीमाल विदेश निर्यात, रसायनमुक्त पालेभाज्या, फळे निर्यात, कंपनीचा विविध राज्यात विस्तार, मध्य प्रदेश व दिल्ली येथील कंपनीची अद्ययावत कार्यालये, १०० एक्स आयुर्वेदा फार्मासुटीकल कंपनी, दोन हजार लोकांना रोजगार, आदी वैशिष्ट्यपूर्ण काम केल्याच्या पाश्र्वभूमीवर यादव यांना सदरचा पुरस्कार जाहीर करण्यात आला आहे. सचिन यादव यांना मिळालेल्या पुरस्काराबद्दल कंपनीतील अधिकारी, कर्मचारी, तालुक्यातील शेतकरीवर्ग आदींनी त्यांचे अभिनंदन केले असून सातारा जिल्ह्यासह विविध स्तरातून यादव यांचे कौतुक केले जात आहे.