कामगार कल्याण मंडळाच्या कवी संमेलनास उत्स्फूर्त प्रतिसाद

एकता दर्शन : महाराष्ट्र कामगार कल्याण केंद्र (सातारा), सातारा हॉस्पिटल अँड डायग्नोस्टिक सेंटर, एम.डी. शिंदे चॅरिटेबल अँड मेडिकल ट्रस्ट यांच्या संयुक्त विद्यमाने सातारा येथे आयोजित केलेल्या कवी संमेलनात सातारा जिल्ह्यातील विविध तालुक्यातील कवींनी सहभाग घेत सामाजिक विषयावरील कवितांचे वैशिष्ट्यपूर्ण शैलीत सादरीकरण करून कवी संमेलनास उत्स्फूर्त प्रतिसाद दिला.

औद्योगिक क्षेत्रातील कामगार व त्यांच्या कुटुंबीयांसाठी कामगार कल्याण मंडळ विविध उपक्रम राबवत असते, याचाच एक भाग म्हणून केंद्र संचालक संदीप कांबळे यांनी कवी संमेलनाचे आयोजन सातारा डायग्नोस्टिक सेंटरच्या सभागृहात केले होते. याप्रसंगी प्रमुख पाहुणे म्हणून डॉ.सुरेश शिंदे, डॉ.जयश्री शिंदे, संमेलनाचे अध्यक्ष कवी व लेखक प्रदीप कांबळे आदी प्रमुख उपस्थित होते.

यावेळी अमोल मांढरे, सुहास चव्हाण, किशोर धारपाडे, रमाकांत देशपांडे, प्रवीण कोळपे, श्रीकांत देशमुख, मनोज हातेकर, संगीता भोईटे, राजकुमार किर्दत, संजय बडेकर यांच्यासह अनेक कवींनी आपल्या कवितांचे सादरीकरण केले.

डॉ.सुरेश शिंदे, डॉ.जयश्री शिंदे, प्रदीप कांबळे यांनी आपले मनोगत व्यक्त करीत कवी संमेलनातील सहभागी कवींचे अभिनंदन करून त्यांना शुभेच्छा दिल्या.

संमेलनास प्रा.चंद्रकांत नलवडे, विक्रमसिंह शिंदे, कामगार कल्याण मंडळाचे सोमनाथ चोरगे, डॉ.विकास जाधव, डॉ. दीपक जाधव, डॉ.निलेश साबळे, बाळासाहेब गवळी, धनंजय यादव, गौरव गोरे यांच्यासह विविध संस्थाचे पदाधिकारी, राजमाता नर्सिंग स्कूल, कामगार कल्याण मंडळ चॅरिटेबल व मेडिकल ट्रस्ट सातारा हॉस्पिटल कर्मचारी वर्ग उपस्थित होता.