विद्यार्थ्यांच्या कलागुणांना संधी देणे गरजेचे : उद्योजक डॉ. किरण जोशी

शैक्षणिक साधनांबरोबरच विद्यार्थ्यांमधील असलेल्या सांस्कृतिक कलागुणांना संधी देऊन त्यांना प्रेरित करणे गरजेचे असल्याचे मत उद्योजक डॉ. किरण जोशी यांनी व्यक्त केले. गौरीशंकर इन्स्टिट्यूट ऑफ फार्मास्युटिकल एज्युकेशन अँड रिसर्च सेंटर महाविद्यालयातील 'अधिरथ २०२१-२२' वार्षिक स्नेहसंमेलनाच्या उद्घाटन प्रसंगी ते बोलत होते.

लिंब (सातारा) : शैक्षणिक साधनांबरोबरच विद्यार्थ्यांमधील असलेल्या सांस्कृतिक कलागुणांना संधी देऊन त्यांना प्रेरित करणे गरजेचे असल्याचे मत उद्योजक डॉ. किरण जोशी यांनी व्यक्त केले. गौरीशंकर इन्स्टिट्यूट ऑफ फार्मास्युटिकल एज्युकेशन अँड रिसर्च सेंटर महाविद्यालयातील 'अधिरथ २०२१-२२' वार्षिक स्नेहसंमेलनाच्या उद्घाटन प्रसंगी ते बोलत होते.

यावेळी संस्थेचे संचालक डॉ. अनिरुद्ध जगताप, जयवंतराव साळुंखे, जनसंपर्क अधिकारी श्रीरंग काटेकर, प्राचार्य डॉ. अजित कुलकर्णी, उपप्राचार्य डॉ. योगेश गुरव, डॉ. राहुल जाधव, डॉ. संतोष बेल्हेकर, डॉ. भूषण पवार, डॉ. महेश थोरात, प्राचार्य डॉ. नागेश अलुरकर, प्राचार्य विजय राजे, प्रा. माधुरी मोहिते, प्रा. पूजा भंडारे, विद्यार्थी प्रतिनिधी लक्ष्मण कोलतुरे आदी प्रमुख मान्यवर उपस्थित होते.

डॉ. किरण जोशी म्हणाले, विद्यार्थ्यांनी जीवनात ध्येयवादी वृत्तीने आपली वाटचाल करावी. आपली संस्कृती जपावी. संचालक जयवंतराव साळुंखे म्हणाले, स्नेहसंमेलनाचे व्यासपीठ कलासंस्कृतीला पूरक ठरते. या व्यासपीठावर केलेले कलेचे सादरीकरण आपला आत्मविश्वास वाढवतो. दरम्यान विद्यार्थ्यांनी विविध कलागुणांचे सादरीकरण केले. यामध्ये नृत्य, फॅशन शो, गायन यांचा समावेश होता.

यावेळी कला, क्रीडा व शैक्षणिक क्षेत्रात उल्लेखनीय कामगिरी करणाऱ्या विद्यार्थ्यांचा व शिक्षकांचा मान्यवरांच्या हस्ते सत्कार करण्यात आला. कार्यक्रम यशस्वी करण्यासाठी शिक्षक व शिक्षकेतर कर्मचाऱ्यांनी परिश्रम घेतले. कार्यक्रमाचे सूत्रसंचालन मेहनाज मुजावर, मुस्कान इनामदार यांनी केले. व आभार पूजा भंडारे यांनी मानले.