गुणवरेत तालुकास्तरीय विज्ञान प्रदर्शन

गुणवरे (ता.फलटण) येथील प्रोग्रेसिव्ह कॉन्व्हेंट स्कूल अँड ज्युनिअर कॉलेज या ठिकाणी दि. २० ते दि. २३ दरम्यान ५१ वे तालुकास्तरीय विज्ञान प्रदर्शन आयोजित करण्यात आले असून हे प्रदर्शन फलटण पंचायत समिती, सातारा जिल्हा परिषद आणि सरस्वती शिक्षण संस्था संचलित प्रोग्रेसिव्ह कॉन्व्हेंट स्कूल अँड ज्युनिअर कॉलेज यांच्या संयुक्त विद्यमाने घेण्यात आले असल्याची माहिती गटशिक्षणाधिकारी अनिल संकपाळ व सरस्वती शिक्षण संस्थेचे सचिव विशाल पवार यांनी एका प्रसिद्धी पत्रकाद्वारे दिली आहे.

प्रदर्शनाचे उद्घाटन दि. २० डिसेंबर रोजी दुपारी १:०० वाजता मान्यवरांच्या उपस्थितीत होणार आहे. याच दिवशी विज्ञान प्रदर्शनात सहभागी होणाऱ्या शाळा, विद्यार्थी यांच्या उपकरणांची नोंदणी, मांडणी करण्यात येणार असून दि. २१ पासून प्रदर्शन सर्वांसाठी खुले राहणार आहे.

गुरुवार दि. २१ रोजी उपकरणांचे मूल्यांकन, शुक्रवार दि. २२ रोजी दुपारी २:०० वाजता प्रमुख पाहुण्यांच्या हस्ते बक्षीस वितरण व समारोप होणार आहे. या विज्ञान प्रदर्शनात तालुक्यातील शाळा व विद्यार्थ्यांनी वेळेत हजर राहावे असे आवाहन करीत तालुक्यातील विद्यार्थी, पालक, ग्रामस्थांनी या प्रदर्शनाचा लाभ घेण्याचे संयोजकांच्यावतीने सांगण्यात आले आहे.