आयडियल स्कुलचा नवरात्र उत्सव सोहळा उत्साहात

फलटण (एकता दर्शन) : आयडियल इंटरनॅशनल स्कुल अँड ज्युनियर कॉलेजच्या वतीने नवरात्र उत्सव सोहळा 'ओपन दांडिया स्पर्धा' अनोख्या पद्धतीने उत्साही वातावरणात साजरा करण्यात आली. विद्यार्थी विद्यार्थिनींना आपल्या विविध कलागुणांचे सादरीकरण करता यावे या पार्श्वभूमीवर हा उत्सव प्रतिवर्षी साजरा केला जातो. दरम्यान 'नवदुर्गा पुरस्कार' वितरण करण्यात आले.

येथील सजाई गार्डनमध्ये 'ओपन दांडिया स्पर्धा' व 'नवदुर्गा पुरस्कार' वितरण करण्यात आले. यावेळी प्रमुख पाहुणे म्हणून हिरोमोटोकॉर्प प्रख्यात डीलर सौ. रुपाली बोरावके, भारत सरकारच्या क्षेत्रीय रेल्वे समितीच्या सदस्या व संस्थेच्या अध्यक्षा सौ. वैशाली शिंदे, जाधववाडी ग्रामपंचायतीच्या सरपंच श्रीमती सीमा गायकवाड, उद्योजक निधी मोता आदी मान्यवर उपस्थित होते.

नवरात्र उत्सवाचा शुभारंभ प्रमुख मान्यवरांच्या हस्ते दीपप्रज्वलन व प्रतिमा पूजनाने करण्यात आला. त्यानंतर भारतीय सैन्य दलात काम करणाऱ्या जवानांच्या पत्नी म्हणजेच स्कुलमधील आयडियल मातांना प्रमुख मान्यवरांच्या हस्ते 'नवदुर्गा पुरस्कारा'ने सन्मानित करण्यात आले. यामध्ये सौ. मोनाली संजय शेंडे, सौ. विद्या कैलास ठणके, सौ. सारिका प्रणेश जगताप (आयडियल टीचर), सौ. शिल्पा जितेंद्र पवार, सौ. मनीषा अधिकराव सोनवलकर, सौ. साधना महेश कुंभार, सौ. मंजुषा शामराव चव्हाण, सौ. मयुरी अविनाश रणवरे, सौ. मनीषा धनंजय गायकवाड, सौ. स्वाती गणेश खलाटे, सौ. विद्या हेमंत दुबळे, सौ. सोनाली दीपक खांडे, सौ. पूनम अशोक बळीप, सौ. प्रियांका अनिल जाधव, सौ. नीलम राहुल कदम, सौ. पूजा राजेंद्र ढेंबरे, सौ. सारिका उदय पोळ, सौ. यशोदा धनंजय खराडे, व सौ. सारिका संजय मांढरे यांचा समावेश होता. याप्रसंगी ऍथलेट कुमारी स्वरा भागवत या चिमुकलीस नवदुर्गा पुरस्काराने सन्मानित करण्यात आले.

पुरस्कार वितरण समारंभानंतर आयडियल विद्यार्थ्यांचा गरबा नृत्य व दांडियाचा कार्यक्रम पार पडला. यामध्ये नर्सरी ते दहावी पर्यंतच्या विद्यार्थ्यांनी उत्स्फूर्त सहभाग घेतला होता. 'ओपन दांडिया' स्पर्धेतील विजेत्यांना पुरस्कार देऊन गौरविण्यात आले. एकूणच आयडियल इंटरनॅशनल स्कुलमधील नवरात्र उत्सव सोहळा उत्साही वातावरणात पार पडला. या सोहळ्यास स्कुलच्या प्राचार्या, शिक्षक वर्ग व पालकांनी उत्स्फूर्त प्रतिसाद देऊन कार्यक्रमाचे कौतुक केले.

प्रारंभी उपस्थित मान्यवरांचे स्वागत व प्रास्ताविक आयडियल इंटरनॅशनल स्कुलच्या प्रमुख डॉ. सौ. वैशाली शिंदे यांनी केले. कार्यक्रमाचे सूत्रसंचालन सौ. सुचिता जाधव यांनी केले. या उत्सव सोहळ्यास स्कुलचे विद्यार्थी, शिक्षक, पालक, शहरातील नागरिक सहभागी झाले होते.