ध्येयवादी वृत्ती उत्कर्षाला पुरक ठरते : श्रीरंग काटेकर

एकता दर्शन (लिंब, सातारा) : जीवनात यशस्वी होण्यासाठी ध्येयवादी वृत्ती उत्कर्षाला पूरक ठरते असे मत गौरीशंकरचे जनसंपर्क अधिकारी श्रीरंग काटेकर यांनी व्यक्त केले ते लिंब जि. सातारा येथील गौरीशंकर डी.फार्मसी महाविद्यालयात शैक्षणिक वर्ष २०२२-२३ मध्ये प्रथम वर्षात प्रवेश घेतलेल्या विद्यार्थ्यांच्या स्वागत समारंभ निमित्त आयोजित केलेल्या कार्यक्रमात बोलत होते.

याप्रसंगी प्राचार्य विजय राजे, प्रा.सविता मोरे, प्रा.सारिका लोखंडे, प्रा.स्वाती पवार, प्रा.रणजित थावरे, प्रा.स्नेहल माने, प्रा.उज्वला बाल्टे आदी उपस्थित होते.

श्रीरंग काटेकर पुढे म्हणाले, औषध निर्माण शास्त्र हे काळानुसार प्रगत व प्रगल्भ होत आहे. यामधील नाविन्यपूर्णतेचा ध्यास घेऊन विद्यार्थ्यांनी आपली भावी वाटचाल करावी.

प्राचार्य विजय राजे म्हणाले, आमचे महाविद्यालय नेहमी दर्जात्मक व गुणात्मकतेची कास धरून वाटचाल करीत आहे. या महाविद्यालयाचे सर्व प्रवेश दरवर्षी पूर्ण क्षमतेने भरले जातात याचा आम्हाला अभिमान वाटतो. यावेळी आरती पवार, प्रणिता भोईटे या विद्यार्थिनींनी आपले मनोगत व्यक्त केले.