प्रोग्रेसिव्ह स्कूलमधील दहावीचा निकाल शंभर टक्के

एकता दर्शन, फलटण : येथील सरस्वती शिक्षण संस्थेच्या प्रोग्रेसिव्ह कॉन्व्हेंट स्कूल अँड ज्युनियर कॉलेज या इंग्रजी माध्यम शाळेतील इयत्ता दहावीचा निकाल शंभर टक्के लागला आहे. दहावीचा शंभर टक्के निकाल सलग चार वर्षे लागत असल्याने यावर्षीही शंभर टक्के निकालाची परंपरा या स्कूलने राखली आहे.

वरद जयवंत कर्वे ९६%, दिग्विजय अनिल कुमार घोरपडे ९५%, आदित्य अजित नांदले ९४.८०% या विद्यार्थ्यांनी दहावी बोर्ड परीक्षेत अनुक्रमे प्रथम, द्वितीय, व तृतीय क्रमांक मिळवला आहे.

वेदा विठ्ठल सोनवलकर ९४.४०%, प्रणव यशवंत ठाणे ९३%, क्षितिजा प्रसाद पारवे ९१.८०%, श्रेया प्रमोद पोतदार ९१% या विद्यार्थ्यांनी दहावी बोर्ड परीक्षेत विशेष गुण संपादित केले आहेत.

प्रोग्रेसिव्ह कॉन्व्हेंट स्कूल अँड ज्युनिअर कॉलेज इंग्रजी माध्यमाची शाळा विद्यार्थ्यांच्या शैक्षणिक गुणवत्तेसोबत विद्यार्थ्यांच्या मानसिक, शारीरिक, व सामाजिक विकासाच्यादृष्टीने नाविन्यपूर्ण उपक्रमांवर भर देत असून क्रीडा क्षेत्रातही या शाळेतील विद्यार्थ्यांनी उल्लेखनीय यश संपादित केले आहे.

संस्थेचे संस्थापक अध्यक्ष प्रदीप माने, सचिव विशाल पवार, व्यवस्थापकीय संचालिका सौ.संध्या गायकवाड, कोषाध्यक्ष सविता माने, संचालिका प्रियंका पवार, प्राचार्य अमित सस्ते, पर्यवेक्षिका माधुरी माने, समन्वयक सुवर्ण कदम, योगिता सस्ते यांच्यासह शिक्षक, शिक्षिकेतर कर्मचारी, पालक यांनी यशस्वी विद्यार्थ्यांचे अभिनंदन केले आहे.