आमदार जयकुमार गोरे आज काय बोलणार ; संपूर्ण तालुक्याचे लक्ष

भाजपचे खासदार रणजितसिंह नाईक निंबाळकर व माणचे आमदार जयकुमार गोरे यांची फलटण येथे आज सायंकाळी ५ वाजता जाहीर सभा होणार असल्याने या सभेत खासदार व आमदार काय बोलणार याकडे संपूर्ण तालुकावासीयांचे लक्ष लागले आहे.

पंतप्रधान नरेंद्र मोदी यांच्या वाढदिवसाचे औचित्य साधून सातारा जिल्ह्यात सेवा पंधरवडा आयोजित करण्यात आला असून या पार्श्वभूमीवर खासदार रणजितसिंह नाईक निंबाळकर व आमदार जयकुमार गोरे यांचा फलटण तालुक्यात नागरिकांच्या समस्या जाणून घेण्यासाठी भाजपच्या वतीने संयुक्त दौरा आयोजित केला होता. दरम्यान फलटण तालुक्यातील पंचायत समिती गणनिहाय गावांचा झंझावाती दौरा करून स्थानिक ग्रामस्थांच्या विविध समस्या जाणून घेतल्या.

आज दोन दिवसांचा दौरा संपत असून सायंकाळी ५ वाजता फलटण येथील गजानन चौक येथे जाहीर सभा होणार असून या सभेत माढा लोकसभा मतदार संघाचे खासदार रणजितसिंह नाईक निंबाळकर व माण विधानसभा मतदार संघाचे आमदार जयकुमार गोरे काय बोलणार याकडे तालुका वासियांचे लक्ष लागले आहे.